اسمى روضة الميهى ..

بكالوريوس تجارة E … كان حلمى أدخل فنون جميلة من صغرى بس للأسف بعد الثانوية العامة والدى فاجئنى برفضه لدخولى فنون جميلة و أصر على دخولى علوم … فدخلت تجارة 😁

حلمى فضل جوايا و ما وقفتش أحلم بيه أبداً … و كنت بعلم نفسى بنفسى أى حاجة ليها علاقة بالفن … أى حاجة و كل حاجة …

و بدأت مشروعى من حوالى ١٠ سنين … بأكتر خامة حبيتها و ساعدتنى على الإبداع بيها أكتر و أكتر و إخراج طاقتى الفنية
هى البوليمر كلاى

بدأت فى تصميم الأكسسورى … و بعد كده كمان اشتغلت بتصميم الشنط … و ابتكرت أفكار جديدة جداً من تداخل خامات مختلفة مع بعضها… زى الريزن مع الكروشيه و الريزن مع الجلد الطبيعى و الريزن مع البوليمر كلاى بتصميمات مميزة و مبتكرة و غير تقليدية.

 

بفضل الله اتكتب عنى و عن تصميماتى فى مجلات و جرائد مطبوعة و إلكترونية داخل و خارج مصر.

و أصبح ليه براند خاص باسمى فى مجال تصميم الحلى و الشنط.

من قصتى حابة إنى أقول لكل الناس .. اجرى ورا حلمك مهما واجهت من عقبات .. اوعى فى يوم تستسلمى … الوقت عمره ما بيعدى … طول ما احنا عايشين و فينا نفس و بقدرة الله عز وجل و الدعاء و الصدق و الإتقان فى عملنا .. هنوصل لتحقيق حلمنا بأمر الله.
ده جزء من تصميماتى .. لآخر كولكشن …و اللى سميته Bahamas collection

اتمنى ينال اعجابكم

الكاتب Handfy